अक्कलकरा औषधी वनस्पती
माळीनगर शाळेत अनेक औषधी वनस्पतींची लागवड केली गेली आहे.यात अक्कलकारा नावाची औषधी वनस्पती ही नवीनच होती मुलांसाठी पण तिचे बहु उपयोगी गुण विशेष महत्त्वाचे आहेत.एक दोन रोपे आमच्या जळगावच्या साहेबराव बाबांकडून आणले होते.त्यांना बागेची खूप आवड होती अन् नवीनच घर घेतल्याने मलाही नवीन नवीन वनस्पती संग्रह करण्याचा छंद लागला होता.ही अक्कलकरा आयुर्वेदिक वनस्पती त्यांनीच दिली होती.हिचं फुल तोंडात टाकल्यावर होणारी मुखशुद्धी भारीच असते.तिचे उपयोग लक्षात आल्याने शाळेतील परसबागेत तिची लागवड करण्याचे ठरविले.
शाळेत घरी तयारी केलेली काही रोपे लावली.नवीनच फुले आल्याने तिचे फायदे मुलांना सांगितले.फुल तोंडात टाकल्यावर होणारी जळजळ,जीभ वरवर ओढणे,फेस आल्यासारखे झाल्याने पोरांना खूप मजा आली.दातदुखी,मुखशुद्धी,अपस्मार,जिव्हारोग,मुतखडा,गळ्याचे आजार याने बरे होत असल्याने मुलं आवडीने खिशात घालून खाऊ लागली.तिचे औषधी उपयोग मुलांसह पालकांनिही जाणून घेतले.
आचार्य बालकृष्णजी यांनी सांगितलेले याचे उपयोग,विकीपिडियावरील माहिती यावरून या अक्कलकराचा उपयोग जाणून घेता येतो,त्याचा उपयोग कसा करता येतो याची माहिती मिळते.
पवन,गौरव ही जोडी आमची स्पेशल अक्कलकरा रोपे लावण्यापासून त्यांची निगा राखायला पुढेच असते.त्यांनी दुसऱ्यांदा फुलांची तोडणी केली.आलेल्या पाहुण्यांना आम्ही आवर्जून ही फुले भेट देत असतो.आज एक दोन रोपांची शेकडो फुलं आमच्याकडे आहेत.आम्ही विनोदाने म्हणतो ही,"अक्कल येण्यासाठी अक्कलकरा खा." आयुर्वेदिक उपयोग पाहता आपल्याला मदत करायला आम्हांला निश्चितच आवडेल.आपल्याला हवे असल्यास कळवा.संपर्क साधा.
भरत पाटील - 9665911657
अक्कलकराचे औषधी उपयोग पुढील लिंकला पहा.
https://youtu.be/kGdap7iM-Io
प्रेरक आहात ..!
प्रेरणा द्या,प्रेरणा घ्या..!
कोणत्याही टिप्पण्या नाहीत:
टिप्पणी पोस्ट करा