जॉयफुल लर्निंग विथ झुंबा
दप्तरमुक्त शनिवार असला म्हणजे झुंबा डान्स ठरलेलाच असतो आमचा.तालबद्ध हालचालीचा प्रकार करतांना संगीत सोबतीला असलं म्हणजे शरीर आपोआप थिरकते अन् आपल्या भाषेतलं,आपल्या आवडीचं गाणं असलं की मजाच न्यारी असते यावेळी.संगीतासोबत थिरकतांना उत्साही मन,शरीर यांची योग्य सांगड झाल्याने जीवनाचा वेगळाच आनंद यावेळी अनुभवायला मिळतो.
झुंबा डान्स तसा एरोबिक्स डान्स प्रकार आहे.यात आपल्याला आवडेल ते संगीत लावून वर्कआऊट केला जातो.यात आम्हीही अहिराणी खान्देशी भाषेतील गीतांचा उपयोग करून पाय,गुडघे,कंबर,हात,खांदे,मान यांच्या योग्य हालचाली घेऊन तालबद्ध व्यायाम करतो.मुलं संगीतासोबत वर्कआऊट करत असल्याने स्नायू बळकट होतात.मानसिक स्वास्थ तंदुरूस्त राहते.आपला रक्तदाब सुधारतो.कॕलरीज बर्न करता येतात.असे अनेक फायदे झुंबा डान्सने होतात.
आमचा झुंबा डान्स दर आठवड्याला वेगवेगळ्या खान्देशी गीतांसोबत,संगीतासोबत होत असून मुलांना मिळणारा आनंद काही औरच असतो.यात नृत्यातील हालचाली असल्याने ते मनोरंजनात्मक पद्धतीने घेतल्या गेल्याने सर्वच विद्यार्थी यात सहभागी होतात.शरीरात नवी ऊर्जा निर्माण होऊन मुलांच्या मनात उत्साह निर्माण होऊन शाळेविषयी आपुलकी गोडी निर्माण होते.
विद्यार्थ्यांना फायदे कमी अधिक प्रमाणात माहिती असतील नसतील पण आपल्याला नाचायला,उड्या मारायला,मनासारख्या कृती करायला मिळणार आहेत ना बस्स मग.आनंददायी शिक्षण वेगळं काय असते.शनिवार आपला ही भावना त्यांच्यात निर्माण झाल्यानेच आमची मुलं दर शनिवारी सहजच म्हणतात,
"सर,झुंबा करू ना...नाचो..नाचो ...विथ झुंबा"
झुंबा डान्सने आज थंडीत झालेलं जॉयफुल लर्निंग स्पेशलच आहे आमच्यासाठी..!
प्रेरक आहात ...!
प्रेरणा द्या,प्रेरणा घ्या..!
कोणत्याही टिप्पण्या नाहीत:
टिप्पणी पोस्ट करा