तंत्रस्नेही विद्यार्थी अन् त्यांची क्रिएटीव्हिटी

 

तंत्रस्नेही विद्यार्थी अन् त्यांची क्रिएटीव्हिटी...!

      सोबतीने शिकण्यात खूप मजा असते.एकमेकांत होणाऱ्या आंतरक्रिया महत्त्वाच्या असतात.यावेळी चुकणं अन् शिकणं फार महत्त्वाचे असते.या मोबाईल टेक्नोसॕवी जगात 'भान ठेवून बेभान' व्हावं लागणार आहे.नवनव्या अनेक बाबी क्षणाक्षणाला बदलत आहेत.नव्या अभ्यासाशी जुळवून घेतांना अधिकची माहिती जाणून घेण्यासाठी अनेक लिंक्स,क्यु आर कोड पाठ्यपुस्तकात वा दैनंदिन जीवनातील अनेक आवश्यक वस्तूत,ठिकाणांवर दिलेले असतात.याबद्दल उत्सुकता असते.पाहिलेली एखादी स्लाईड कशी तयार करावी,ग्रिटींग्ज कसे तयार करावे हे शिकलो आम्ही 'Blend collage' ॲप्सपासून..!

      सोपं सोपं जमलं की अवघड जमतंय हे लक्षातही येत नाही आपल्याला. 'Happy Thursday' पासून सुरूवात झालेला हा प्रवास ब्लेंड कोलाज ॲप्समधील विविध आॕप्शनचा उपयोग मुलांनी समजून घेतला अन् आपल्या आवडीने मुलांनी आपल्या कल्पकतेने ग्रिटींग्ज तयार केले.आपण आपले ई साहित्य तयार करूयात.यात वन टू टेन टाइपलं पोरींनी.चर्चेतून ज्याने त्याने काय तयार करायचे ते वाटून घेतलं.लवकरच तंत्रस्नेही कार्यशाळेतून 'माळीनगर ई साहित्य' तयार होणार.विद्यार्थ्यांनी विद्यार्थ्यांसाठी तयार केलेले हे साहित्य खास असणार आहे.

        टॕब कमी पडतात म्हणून माझा मोबाईल चेतना व  साक्षी या जोडीला दिला.ग्रिंटिंग्ज पाहून सुखद धक्का बसला.

       मुलं आपल्या कुवतीनं येणारं ज्ञान आपल्या अनुभवावरून एकमेकांत शेअर करतात हे महत्त्वाचे आहे.'शेअर करण' हे खास असतं.

      लहान मुलांना कम्प्युटरवर पेंट शिकवण्यासाठी दुसरीतली तनिष्का पुढाकार घेते हे विशेष आहे.कम्प्युटर सुरू करण्यापासून पेंट शिकवून पुन्हा बंद करणे हे भारीय.पेंटमधील कलर्स,टेक्स्ट,शेप्ससह विविध पर्यायांचा उपयोग करून आपल्या भावंडांना शिकवण्यात तिला छान वाटते.एक एक मुलगा येतो.त्यास माऊस धरायला लावून कृती करून घेणे हे प्रत्येकालाच जमते असे नाही.मुलांच्या चेहऱ्यावर नवे शिकल्याचा अन् कालपेक्षा आज चांगले जमल्याचा आनंद बघण्यासारखा होता.

        तंत्रस्नेही महाराष्ट्रात तंत्रस्नेही साधनांचा उपयोग होणं खूप गरजेचं आहे.यामुळे मुलांच्या ज्ञानात भर पडते.नवे आपल्यालाच शिकायला मिळते.मुलांच्या कल्पकतेला पंख देण्येच खरं आव्हान आपल्यासमोर आहे.मुलांची भूक प्रचंड असते.यात 'वेळेचे नियोजन' खास असते.बरीच ओढाताण होते पण जुळवून घ्यावं लागतंच..!

      नवे शिकल्याचा मुलांच्या चेहऱ्यावरचा आनंद हा आपल्यासाठी ऊर्जादायी असतो.

प्रेरक आहात ...!

प्रेरणा द्या,प्रेरणा घ्या..!