शॉर्टफिल्म एक जगणं
मुलांचं जगणं समजून घेता आलं.त्यांची आवड निवड लक्षात आली की ती आपसूकच आपलीशी करता येतात.दुपारचं जेवण झालं की थोडं मुलांचं खेळणं होतच.त्यानंतर थोडा आराम व्हावा,त्यांनी एकत्र बसून गप्पा माराव्यात असं ठरलेलं असतंच त्यांचं.वर्गात गेल्यावर टी.व्ही.पहावी म्हणून मुलांचा गलका एकेदिवशी सभोवती जमला होता.यातूनच मित्रवर्य प्रा.जयराम माळी यांची 'सैर' ही शॉर्टफिल्म पहावी असे ठरले.त्यातूनच आठवड्यातून ४-५ शॉर्टफिल्म अनेक विषयांवर पाहता आल्या.शॉर्टफिल्म बघून झाल्यावर त्यांच्यातील पात्र,काय समजलं,काय आवडलं यावर चर्चा होत राहिली.यातून प्रा.जयराम माळी,निरज देवरे यांच्याशी संवाद साधता आला.अनेक विषयांवर आधारित मराठी,हिंदी,इंग्रजी शॉर्टफिल्म बघता आल्या.
शॉर्टफिल्म जगतांना पोरं अनेक विषयांवर व्यक्त होतात.त्यांना त्यातून मिळणारा आनंद काही औरच असतो.आपलं जगणं अन् पाहिलेलं जगणं यातलं अंतर त्यांना कळू लागलंय.नैतिक मूल्यांचा विकास यातून साधता येतोय.दररोज स्वच्छता करणं,पक्ष्यांना दाणा पाण्याची सोय करणं,झाडांना पाणी टाकणं,एकमेकांना मदत करणं,सलोखा दाखवणं,परिसरात पडलेली वस्तू परत करणं,मैत्री जोपासणं,चांगलं वाईट कळणं,मोठ्यांचा आदर करणं इ.एक ना अनेक बाबींचा मुलांमध्ये झालेला बदल सुखदायी आहे.शॉर्टफिल्म बघतांना जोराने हसणं,मिस्कील हसणं अन् संवेदनशील विषयाला गंभीर होऊन आपल्या अश्रूंना वाट करून देणं हे सारं बघतांना साहजिकच आपल्या ही डोळ्यांत पाणी उभे राहते.त्यांचं हे शॉर्टफिल्म बघणं निव्वळ बघणं नाहीच ते जगत आहेत.हे वेळोवेळी लक्षात येतंय.
मागील काळातही अनेक शॉर्टफिल्म पाहिल्या होत्या.आता सातत्याने वेळ मिळेल तशा पुढील शॉर्टफिल्म बघता आल्या.या सर्व शॉर्टफिल्म यु ट्युबवर उपलब्ध असून आपल्यालाही मुलांना दाखवता येतील.
सैर
कोरोना झोन
सारथी
जाणीव
डांबर
ज्योत द फ्लेम
बत्ती
चप्पल
दावं
झळ
हॕपीनेस
काहूर
किल्ले
माझा गाव
निरागस
पतंग
पायताण
रामजू
सवयी
सावित्रीबाई फुले
राजमाता जिजाऊ
स्वामी विवेकानंद
द स्कुल बॕग
द स्टुडन्ट
वही
तिरंगा
भिरं भिरं
शेण
लेझीम
क्यू आर कोड
प्रेरक आहात...!
प्रेरणा द्या,प्रेरणा घ्या..!
कोणत्याही टिप्पण्या नाहीत:
टिप्पणी पोस्ट करा