शेकोटी गप्पा
शाळेत अनौपचारिक शिक्षण खूप महत्वाचे असते.औपचारिक शिक्षणाला फाटा देत दप्तरमुक्त शनिवार अन् सुरू असलेला गुलाबी थंडीचा हिवाळा ऋतू आल्हाददायकच असतो सर्वांसाठी.सकाळी सकाळी भेटलेली मुलं जीवनाला रंग भरून जातात.
आज मुलांशी गप्पा झाल्यात.शेकोटी,वाजणारी थंडी त्यात अधूनमधून कचरा गोळा करून आणणारी मुलं गुलाबी थंडीची ऊब देत होते.मुलांशी कुटुंब,शेती,मामाचं गाव,शेती,डोंगर,नद्या,शाळा या विषयावर जिकडे गप्पांचा कल जाईल तिकडे गप्पा सुरू ठेवल्या.आपल्या जगातल्या गोष्टी मुलं मोठी माणसं बनून सांगतात जेव्हा त्यांचं कुणी ऐकणारं असतं.
कधी कधी आपणही 'कान' व्हावं मुलांचा...!
"सर! आपलं ऐकतात." ही भावनाच मुलांना आपलंस करण्यात मोलाची भूमिका निभावून जात असते.अनौपचारिक शेकोटी गप्पांतून न बोलणारी,मागे राहणारी मुलं आपला मार्ग काढत आपलं म्हणणं मांडण्याचा प्रयत्न करतातच अन् येथूनच खरी शिक्षण वाट सुरू होते त्यांची.
नव नवे शालेय उपयुक्त उपक्रम सातत्याने सुरू ठेवण्याचा मुळातच उद्देश तो असतो,की शाळेत येणाऱ्या प्रत्येक मुलाला शिक्षण प्रवाहात आणून,तो टिकवून त्यास गुणवत्तापूर्ण शिक्षण देणे होय.माळीनगर शाळा सातत्याने तेच करत आलीय अन् करत राहणार.कारण शाळेत येणारं प्रत्येक मुलं महत्त्वाचं आहे.
प्रेरक आहात..!
प्रेरणा द्या,प्रेरणा घ्या..!
कोणत्याही टिप्पण्या नाहीत:
टिप्पणी पोस्ट करा