माळीनगर शाळेत क्रीडा सप्ताह संपन्न
खेळाने मानसिक व शारीरिक तंदुरुस्ती वाढते : समाधान अहिरे
प्रेरणा अभियान अंतर्गत माळीनगर दुंधे शाळेत क्रीडा सप्ताह हा राबवला गेला.आदिवासी विकास पुणे येथील स्वीय सहाय्यक समाधान अहिरे यांच्या हस्ते याचा समारोप करण्यात आला.शालेय वयात भरपूर खेळा.आवडीचा खेळ हा छंद म्हणून जोपासा त्यामुळे आपली एकाग्रता तर वाढतेच पण आपल्यात खिलाडूवृत्तीही जोपासली जाते.खेळानेच मानसिक आणि शारीरिक तंदुरूस्ती लाभते असे यावेळी अहिरे यांनी आपल्या मार्गदर्शनातून सांगितले.
शाळा स्तरावर विविध स्पर्धा आयोजित करून मुलांचं खेळातून शिक्षण व्हावं,खेळाविषयी आवड निर्माण व्हावी,खेळाचं अनुकूल वातावरण तयार व्हावं,मुलांना शाळेविषयी आकर्षण निर्माण व्हावं म्हणून हा क्रीडा सप्ताह आयोजित करण्यात आला होता.यात लिंबू चमचा,गोणपाट स्पर्धा,धावणे,लंगडी,संगीत खुर्ची,क्रिकेट,फुगा खेळ,क्रिकेट,कबड्डी,कुस्ती,कॕरम,योगा,विविध विषयांचे माईंड गेम खेळवण्यात आले.विशेष मुलांच्या स्थानिक खेळानांही प्राधान्य देण्यात आले होते.यामुळे मुलांमध्ये नवा उत्साह व नवीन खेळ खेळल्याचा आनंद पहावयास मिळत होता.यावेळी विद्यार्थ्यांमध्ये असलेला आत्मविश्वास,इच्छाशक्ती,उत्साह व मेहनत दिसून आली.
हा क्रीडा सप्ताह यशस्वी करण्यासाठी मार्गदर्शक म्हणून मुख्याध्यापक राजेंद्र बधान व उपक्रमशील शिक्षक भरत पाटील,शाळा व्यवस्थापन समिती,पालकांनी बहुमोल योगदान दिले.
कोणत्याही टिप्पण्या नाहीत:
टिप्पणी पोस्ट करा